อพฺยากโต อปริยาปนฺโน ธมฺโม อพฺยากตสฺส อปริยาปนฺนสฺส ธมฺมสฺส อารมฺมณปจฺจเยน ปจฺจโยฯ อพฺยากโต อปริยาปนฺโน ธมฺโม กุสลสฺส อปริยาปนฺนสฺส ธมฺมสฺส อารมฺมณปจฺจเยน ปจฺจโยฯ (2)

[47] เหตุยา ทฺเว, อารมฺมเณ ทฺเว, อธิปติยา ตีณิ, อนนฺตเร ทฺเว…เป.… อุปนิสฺสเย จตฺตาริ…เป.… อวิคเต ทฺเวฯ (สํขิตฺตํฯ)

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

1-97. กุสลตฺติก-นิยฺยานิกทุกํ

1-7. ปฏิจฺจวาราทิ

ปจฺจยจตุกฺกํ

[48] กุสลํ นิยฺยานิกํ ธมฺมํ ปฏิจฺจ กุสโล นิยฺยานิโก ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํ)ฯ

(สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ

[49] กุสลํ อนิยฺยานิกํ ธมฺมํ ปฏิจฺจ กุสโล อนิยฺยานิโก ธมฺโม อุปฺปชฺชติ เหตุปจฺจยา… ตีณิฯ

อกุสลํ อนิยฺยานิกํ ธมฺมํ ปฏิจฺจ อกุสโล อนิยฺยานิโก ธมฺโม อุปฺปชฺชติ เหตุปจฺจยา… ตีณิฯ

อพฺยากตํ อนิยฺยานิกํ ธมฺมํ ปฏิจฺจ อพฺยากโต อนิยฺยานิโก ธมฺโม อุปฺปชฺชติ เหตุปจฺจยาฯ (1)

กุสลํ อนิยฺยานิกญฺจ อพฺยากตํ อนิยฺยานิกญฺจ ธมฺมํ ปฏิจฺจ อพฺยากโต อนิยฺยานิโก ธมฺโม อุปฺปชฺชติ เหตุปจฺจยาฯ (1)

อกุสลํ อนิยฺยานิกญฺจ อพฺยากตํ อนิยฺยานิกญฺจ ธมฺมํ ปฏิจฺจ อพฺยากโต อนิยฺยานิโก ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[50] เหตุยา นว, อารมฺมเณ ตีณิ…เป.… อวิคเต นว (สํขิตฺตํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํ)ฯ

1-98. กุสลตฺติก-นิยตทุกํ

1-7. ปฏิจฺจวาราทิ

ปจฺจยจตุกฺกํ

[51] กุสลํ นิยตํ ธมฺมํ ปฏิจฺจ กุสโล นิยโต ธมฺโม อุปฺปชฺชติ เหตุปจฺจยาฯ (1)

อกุสลํ นิยตํ ธมฺมํ ปฏิจฺจ อกุสโล นิยโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ) (สหชาตวารมฺปิ…เป.… ปญฺหาวารมฺปิ เอวํ วิตฺถาเรตพฺพํ)ฯ

[52] กุสลํ อนิยตํ ธมฺมํ ปฏิจฺจ กุสโล อนิยโต ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา นว, อารมฺมเณ ตีณิ…เป.… อวิคเต นว (สํขิตฺตํฯ) (สหชาตวารมฺปิ…เป.… ปญฺหาวารมฺปิ เอวํ วิตฺถาเรตพฺพํ)ฯ

1-99. กุสลตฺติก-สอุตฺตรทุกํ

1-7. ปฏิจฺจวาราทิ

ปจฺจยจตุกฺกํ

[53] กุสลํ สอุตฺตรํ ธมฺมํ ปฏิจฺจ กุสโล สอุตฺตโร ธมฺโม อุปฺปชฺชติ เหตุปจฺจยา… ตีณิฯ

อกุสลํ สอุตฺตรํ ธมฺมํ ปฏิจฺจ อกุสโล สอุตฺตโร ธมฺโม อุปฺปชฺชติ เหตุปจฺจยา… ตีณิฯ

อพฺยากตํ สอุตฺตรํ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยาฯ (1)

กุสลํ สอุตฺตรญฺจ อพฺยากตํ สอุตฺตรญฺจ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยาฯ (1)

อกุสลํ สอุตฺตรญฺจ อพฺยากตํ สอุตฺตรญฺจ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)